Seanca paraprake për deputetin e Partisë Demokratike, Asllan Dogjani, është shtyrë për javën tjetër për shkak të mungesës së tij, pasi ai kërkoi shtyrjen për shkak të gjendjes së tij shëndetësore.
Dogjani akuzohet nga SPAK për “refuzim për deklarimin, mosdeklarimin, fshehje ose deklarim i rremë i pasurisë” lidhur me një apartament prej rreth 100 metrash katrorë.
Ai kishte deklaruar se apartamenti ishte fituar si rezultat i një këshillimi juridik, por hetimet zbuluan se ai e kishte blerë atë për rreth 122 mijë euro, të cilat i ka paguar plotësisht me para në dorë.
Seanca e planifikuar për këtë të martë do të shqyrtonte nëse dosja do të kalonte për gjykim, por ajo u shty për javën tjetër për shkak të mungesës së deputetit.
