Seanca gjyqësore në GJKKO për çështjen e “Sterilizimit” u shty për shkak të mungesës së të pandehurës Naile Ajazi, e cila nuk u paraqit për arsye shëndetësore, si dhe të mbrojtjes së saj ligjore.
Gjykata caktoi seancën e radhës më 3 prill 2025, në orën 12:00.
Në sallën e gjyqit ishin të pranishëm ish-ministri Ilir Beqaj dhe të pandehurit Klodian Rrjepaj e Ilir Rapaj.
Ky i fundit kërkoi të mbrohej nga një avokat italian, por gjykata e udhëzoi të marrë miratim nga Dhoma e Avokatisë Shqiptare për përfaqësim nga një avokat i huaj.
