Procesi gjyqësor ndaj ish-kryebashkiakut të Himarës, Jorgo Goro, është shtyrë.
Prokurori Elvin Gokaj kërkoi më shumë kohë për të përfshirë tërësisht qëndrimet e mbrojtjes në konkluzionet përfundimtare.
Seanca për dhënien e pretencës është shtyrë për datën 2 korrik, në orën 08:30. Goro përballet me akuzën e shpërdorimit të detyrës në bashkëpunim me ish-drejtorin e tokës dhe menaxhimit të pronës në Bashkinë Himarë, Vasillaq Strakosha, gjithashtu i pandehur në këtë çështje.
Dosja është ngritur pas kallëzimit të Fredi Belerit, i cili pretendon se në vitin 2016, Goro ka tjetërsuar në mënyrë të paligjshme një sipërfaqe prej 4,263 metrash katrorë tokë, duke ia kaluar Arqile Bollanos, i cili më pas mori drejtimin e bashkisë me komandim.
