4 raste të reja me Covid-19 janë konfirmuar gjatë orëve të fundit në Krujë.
Mësohet se personat që janë infektuar janë punonjës fasonerie, që janë prekur më herët nga virusi.
Edhe në Vlorë raportohet se është shtuar numri i personave të infektuar me Covid-19.
Mësohet se është infektuar edhe bashkëshorti i punonjëses së kopshtit nr.9.
Po ashtu edhe pjesës tjetër të stafit u janë marrë tamponët.
Ditën e djeshme Ministria e Shëndetësisë raportoi për 66 raste të reja të infektuar me koronavirus në vendin tonë gjatë 24 orëve të fundit.
Harta u zgjerua me 32 raste në Tiranë, 12 në Krujë, 7 në Vlorë, 6 në Durrës, nga 3 raste në Shkodër dhe Fier, nga 1 rast përkatësisht në Tropojë, Lezhë, Elbasan.
Numri i viktimave ka shkuar në 41.
Ditën e djeshme humbën jetën 3 persona.
