Ministrja e Shëndetësisë dhe Mirqënies Sociale, Orgeta Manasterliu ka deklaruar se numri i qëndrave të testimit në Tiranë ka shkuar në dhjetë. Ky shtim i masave vjen si pasojë e një situate kritike në vend, sikurse e ka cilësuar dhe ajo vetë.
Në një intervistë të dhënë nga Qendra Shëndetësore nr8, Manasterliu tha se pas rezultimit me sukses të gjashtë pikave të para, janë shtuar dhe katër qendra të reja. Në këto pika do të kryhet testimi me metodën klasike të PCR.
“Pasi vlerësuam ecurinë e gjashtë pikave të para të testimit në komunitet në Tiranë, përsa i përket kohës, por edhe situatës epidemiologjike mbi të gjitha, vendosëm që të shtojmë edhe katër pika të tjera. Pikërisht në qendrën shëndetësore nr.8, në Kamëz, në qendrën shëndetësore nr.1 dhe në qendrën shëndetësore nr. 3. Pra janë hapur 10 pika testimi në komunitet në Tiranë, ndërkohë që, në gjithë Shqipërinë janë 55 pika testimi të shpejtë”, tha Manastirliu.
Këto qendra të reja konsistojnë në verifikimet dhe testimet e shumta për të gjyrmuar muatcionet e reja të Covid 19. Ministrja sqaroi se testimi do të vijojë nëpërmjet metodës klasike të PCR.
“Ne kemi vendosur që në këto pika testimi të përfshijmë gjithashtu dhe testimin nëpërmjet PCR. Ky një element i shtuar përsa i përket punës dhe identifikimit të rasteve të dyshuara në territor. Por edhe punës që ne jemi duke bërë për kapjen e mutacioneve dhe varianteve të reja. Që është një pikë shumë e rëndësishme dhe për të cilën janë trajnuar i gjithë ekipi ynë i epidemiologëve. Ne jemi në bashkëpunim edhe me institutet homologe të ISHP për identifikimin dhe kapjen në kohë të varianteve të reja të COVID19”, tha Manastirliu.
Manastirliu ka bërë thirrje qytetarëve për të respektuar rregullat e vendosura, pasi situate është delikate dhe kjo luftë fitohet vetëm me bashkëpunim me qytetarët.
