Shqiptari luan me çifteli hitin e verës “Con Calma”, mahnitet Daddy Yankee

Google+ Pinterest LinkedIn Tumblr +

Jurgen Pecnikaj i riu shqiptar i cili ka pasur një ide fantastike për të mahnitur një nga këngëtarët më të njohur nga të rinjtë, Daddy Yankee.

Jurgeni ka luajtur me çifteli këngën “Con Calma” , ku më pas e ka shpërndarë në rrjetin social Instagram, ku madje ka etiketuar edhe këngëtarin e famshëm.

Pecnikaj e ka transformuar tërësisht këtë këngë, duke risjellë një version të ri nga e para dhe mbi të gjitha ka rezultuar shumë e pëlqyer.

Ajo që i riu ndoshta nuk e priste, ka qenë që vetë Daddy Yankee e ka parë e dëgjuar këtë këngë, e më pas, teksa i ka bërë përshtypje, e ka shpërndarë edhe në Instagram.

Në këtë mënyrë Daddy Yankee u ka treguar fansave të tij në të gjithë botën se sa shumë i ka pëlqyer ky version i këngës së tij, të luajtur nga një i ri shqiptar.

Vetë Jurgeni, teksa ka shpërndarë videon në Instagram dhe i ka bërë tag Daddy Yankee-s, shkruan se kjo është një potpuri tropojane.

Shpërndaje
Share.

Komento