Një shqiptar është gjendur i plagosur në oborrin e shtëpisë së tij në Greqi.
Ngjarja është regjistruar në Artemida Attica, zonë kjo ku banonte shqiptari.
Policia dhe ambulanca mbërritën menjëherë në vendngjarje dhe bënë të mundur transportimin e shqiptarit për në spital.
Mësohet se shqiptari ka marrë lëndime në pjesën e kokës dhe në gjoks.
Pavarësisht përpjekjeve të mjekëve, ai ndërroi jetë si pasojë e plagëve të marra.
Sipas të dhënave paraprake dyshohet se shqiptari është dhunuar dhe për rastin në fjalë kanë nisur hetimet.
