Në Corso Sebastopoli, pranë kryqëzimit me Corso IV Novembre të Italisë një 32-vjeçar me origjinë shqiptare ka plagosur me thikë një italian për shkak të një debati banal në një stacion autobusi. Sipas mediave italiane 32-vjeçari pasi e ka goditur me thikë 52-vjeçarin ka vijuar ta sulmojë sërish duke e goditur me këmbë në fytyrë.
I plagosuri është transportuar në spitalin Molinette dhe ndodhet jashtë rrezikut për jetën, shkruan Corriere. Ndërkohë shqiptari u arrestua me akuzën e sulmit të rëndë. Nga hetimet e kryera u konstatua se italiani nuk e kishte njohur më parë 32-vjeçarin.
