Një ngjarje e rëndë ka ndodhur mbëmjen e djeshme në fshatin Karavomylos të Greqisë. Një 44-vjeçar shqiptar ka përplasur me makinë një grup fëmijësh të cilët po udhëtonin me biçikleta.
Si pasojë e këtij aksidenti një 14-vjeçar ka humbur jetën, pak minuta pasi është transportuar në spital. Ngjarja ka ndodhur rreth orës 22:00 të mbrëmjes së të enjtes, në fshatin Karavomylos.
Sipas mediave greke, shoferi shqiptar i kishte parë fëmijët në minutën e fundit, por ishte me shpejtësi të madhe. Ai kishte manovruar për t’i shmangur, por duke shmangur dy fëmijë, kishte përplasur të tretin.
Si pasojë e përplasjes u aksidentua për vdekje 14-vjeçari, ndërsa u plagos vëllai i tij binjak dhe një shoku i tyre që janë jashtë rrezikut për jetën.
Babi i fëmijës që humbi ishte mjek, ku sapo ka marrë vesh për të birin kishte bërë çmos për ta mbajtur në jetë, por i mituri nuk ia doli dot të jetonte si pasojë e plagëve të marra.
