COVID-19 prej javësh ka goditur Europën, ku po përparon me shpejtësi duke shkaktuar viktima e të infektuar të shumtë.
Kështu, shumë shtete kanë mbyllur kufijtë, ashtu si edhe BE që anuloi çdo lëvizje të shteteve joanëtare drejt zonës Shengen, duke bërë që mijëra shqiptarë të mbetet jashtë vendit.
Së fundmi, kryeministri Edi Rama ka bërë me dije se qeveria po punon për të sjellë në atdhe të gjithë ata që kanë mbetur jashtë vendit dhe deri tani janë identifikuar 1,376 shtetas, por të gjitha ata që duhet të identifikohen duhet të shkruajnë në kanalin e urgjencës, Ministrinë e Jashtme apo në ambasadat përkatëse.
”Kemi marrë shqetësime të mëdha nga bashkëqytetarë, fëmijët tanë që ndodhen jashtë vendit dhe i ka zënë lufta matanë kufirit. Edhe dje me Presidentin e kemi ndarë këtë shqetësim, edhe zyra e Lresidentit është e përfshirë në një bashkëpunim intesiv me Ministrinë e Jashtme dhe Infrastrukturës e Energjisë dhe Ministrin e Shtetit për Rindërtimin që mbulon edhe koordinimin e kësaj përpjekje. Aktualisht janë të identifikuar, 1379 shtetas dhe janë 2163 të raportuar. Kush e ndjek këtë komunikim të identifikohet nëpërmjet kanalit të urgjencës në këtë platformë dhe në MEPJ apo ambasadat përkatëse. Gjithë temat që unë ndoqa ka një numër të konsiderueshëm të atyre 7,431 të atyre që kanë shqetësime që janë përtej kufijve dhe kanë të drejtën e tyre. Numri më i lartë ndodhet në Itali. Ka kusht për testime për të nxjerrë jashtë dhe kjo është kapërcyer. Kemi Kroacinë 341 persona dhe do u lehtësojmë procedurat dhe mund të vijnë në rrugë autoamobilistike. Zvicra ka 70, Greqia ka 45.
Tashmë ka shkuar në 176 numri i të prekurve nga koronavirusi, teksa vetëm dje janë shënuar 28 raste të reja nga 103 testime, rritja më e madhe që nga fillimi i epidemies në vendin tonë.
Hartës së qyteteve të prekura tashmë i është shtuar edhe Tropoja, ku janë shënuar 2 raste, ndërsa në Spitalin Infektiv janë shtruar 73 persona, tre prej të cilëve në terapi intensive, ku dy prej tyre janë intubuar.
Në mesin e të prekurve janë edhe 4 fëmijë, gjendja e të cilëve është e stabilizuar.
Shpërndarja gjeografike e rasteve pozitive, është si vijon:
– Tiranë 102 raste
– Durrës 10 raste
– Lushnje 4 raste
– Elbasan 5 raste
– Rrogozhinë 2 raste
– Fier 18 raste
– Kavajë 4 raste
– Korçë 11 raste
– Vlorë 5 raste
– Shkoder 5 raste
– Lezhë 4 raste
– Berat 1 raste
– Has 2 raste
– Krujë 1 raste
-Tropojë 2 raste
