Një analizë e re nga Zyra e Brendshme dhe Zyra për Statistikat Kombëtare (ONS) tregon se shqiptarët kryesojnë listën e arrestimeve për popullsi në Britaninë e Madhe, me 209.8 arrestime për çdo 1000 persona nga Evropa Lindore.
Krahasuar me 12 arrestime për 1000 britanikë, kjo shifër tregon se të huajt janë arrestuar dy herë më shpesh se qytetarët britanikë.
Studimi, që përfshin të dhëna nga të gjitha forcat policore në Angli dhe Uells, tregon gjithashtu se pas shqiptarëve, shtetasit e Afganistanit, Irakut dhe Algjerisë kanë një shkallë arrestimi të lartë, me përkatësisht 107, 83 dhe 73 arrestime për 1000 persona.
Përgjatë periudhës nga janari deri në tetor 2024, shtetasit e huaj përbënë 16.1 për qind të arrestimeve, megjithëse ata përbëjnë vetëm 9 për qind të popullsisë së Britanisë.
Në total, kishte 48 kombësi me një shkallë arrestimi më të lartë për 1000 persona sesa qytetarët britanikë.
