Kur disa thonë se është më mirë në burg sesa jashtë, kanë parasysh pikërisht këtë skenë.
Shqiptarët në Greqi dihet që janë shumë dhe rrjedhimisht të shumtë janë edhe ata që janë burgosur për shkak të shkeljeve të ligjit që kanë bërë, por që të bënin një jetë të tillë brenda burgut kjo ka qenë e paimagjinueshme.
Një video ka qarkulluar ditën e sotme në rrjet ku shfaqen disa shqiptarë në burgun Koridhallos duke dëgjuar muzikë dhe duke kërcyer, ndërkohë që janë duke numëruar lekët që kanë në dorë.
Mirëpo ajo që ka vendosur në lëvizje gjithë instancat është fakti se videon e kanë regjistruar vetë ata.
Nëpërmjet rrjetit social, Facebook, të burgosurit kanë transmetuar Live të gjithë skenën, ku edhe ka pasur komente nga miqtë, të afërmit dhe familjarët e tyre.
Reagim të menjëhershëm kanë pasur autoritetet e burgjeve greke si dhe Ministrin e Drejtësisë, Michael Kalogerou, i cili ka kërkuar me ngulm shtrëngimin e masave dhe ndalimin kategorik të telefonave dhe mjeteve të tjera brenda burgjeve.
Sipas mediave greke, krahas daljes live të burgosurit shqiptarë konsumojnë edhe pije alkoolike si dhe hedhin para sikur të ishte një ambient feste dhe jo një institucion i vuajtjes së dënimit.
https://youtu.be/g5FKWPXt9_I
