Shqipëria ka shënuar një rritje prej gati 15% të të infektuarve me Covid-19, në krahasim me një javë më parë.
Në gjithë vendin, u regjistruan 1160 të prekur gjatë javës së kaluar, me një mesatare prej 165 rastesh ditore, kur vetëm një javë më parë shënohej në 145 raste në ditë.
Rritja e numri të të prekurve, gjatë javës së shkuar vjen kur ndërkohë testimet shënuan një ulje të lehtë. Që nga fillimi i pandemisë në Shqipëri, janë konfirmuar 15570 të infektuar.
Gjatë javës që shkoi pati dhe një rritje të numrit të viktimave, 24 vdekje në total, nga 20 të një jave më parë.
Në total, numri i vdekjeve nga Koronavirusi në Shqipëri ka shkuar në 424 persona.
/GazetaReforma.com/
