Shqipëria ka hequr karantinën e detyruar dy javore për të ardhurit nga Greqia dhe Maqedonia e Veriut. Dy javë më parë, Komiteti Teknik i Ekspertëve vendosi për të gjithë personat që do të hynin në kufirin shqiptarë nga këto dy shtete të zbatonin karantinën dy javore, për shkak të shifrave shqetësueses në këto dy vende fqinje ishte në fuqi deri ditën e sotme (3 maj).
Komiteti Teknik i Ekspertëve në Shqipëri konfirmoi 2 javë më parë masën e re në lidhje me parandalimin e përhapjes së koronavirusit të ri (COVID-19), që përfshinte karantinën për personat që hynin në Shqipëri nga dy shtetet fqinjë. “Te vendoset qëndrimi në karantinë për personat që vijnë nga Maqedonia dhe Greqia deri në datën 3 maj. Komiteti vlerëson se nxënësit e viteve të para dhe të dyta në shkollën e mesme, mund të fillojnë edhe mësimin në klasë. Të nderuar shifrat në përmirësim tregojnë se drita në fund të tunelin po zmadhohet, por mos harroni se kemi rrugë për të bërë. Subjektet politike të tregojnë përgjegjshmëri, dhe qytetarët të vazhdojnë të ndjekin me rigorozitet masat e propozuara nga ne”, tha Rakacoli, dy javë më parë.
Kujtojmë se në daljen e fundit publike, Komiteti vendosi që të ktheheshin në bankat e shkollës të gjithë nxënësit e ciklit shkollor parauniversitar, i cili përfshin ciklin e ulët, shkollat 9-vjeçare dhe gjimnazet.
