Si sot para 111 viteve, më 28 Nëntor 1912, Ismail Qemali ngriti flamurin në Vlorë, duke e shpallur Shqipërinë shtet sovran dhe të pavarur.
E njohur ndryshe si “Dita e Flamurit”, 28 Nëntori është një ditë e rëndësishme për mbarë shqiptarët në trevat shqiptare dhe anembanë botës. Këtë 28 Nëntor, për herë të parë në vendin tonë do të organizohet Parada e shqiptarëve, që do bashkojë të gjitha trevat bashkë në bulevardin “Dëshmorët e Kombit”.
Me pjesëmarrjen e mijërave shqiptarëve nga të gjitha trojet, parada do të mbledhë mbi 150 Ansamble popullore. Parada pritet që të fillojë në orën 11:00.
Parakalimi fillon nga sheshi “Nënë Tereza”, si pika e grumbullimit, për të vijuar në drejtim të sheshit “Skënderbej”, aty ku do të bëhet ngritja ceremoniale e flamurit.
Ndërkohë që siç do herë tjetër presidenti, kryeministri, kryetarja e Kuvendit do të bëjnë ngritjen ceremoniale të flamurit në orën 10:00 në Vlorë.
