Shqipëria është orvatur vitet e fundit që të ofrojë për turistët e huaj edhe modelin më të ri të turizmit në Europë, atë shëndetsor.
Mos mospasja e një politike të qartë dhe të përbashkët nga ana e qeverisë, përkatësisht nga ministritë e Turizmit dhe ajo e Shëndetësisë për këtë lloj të ri biznesi me shumë leverdi, ka bërë që Shqipëria të mos jetë shumë konkurruese.
Vende si Hungaria apo Austria janë ndër të parat për turizmit shëndetësor në Europë, duke siguruar miliarda euro çdo vit nga ky sektor.
Por as Turqia nuk mbetet prapa me këtë lloj industrie, ku vetëm vitin e fundit ka fituar rreth 1 miliard dollarë të ardhura nga turizmi shëndetësor, pavarësisht nga kufizimet e udhëtimit të vendosura për të parandaluar përhapjen e koronavirusit.
Vitin e kaluar, më shumë se 662 mijë pacientë të huaj vizituan Turqinë, sipas kreut të Agjencisë së Turizmit Shendetësor, Yusuf Temrel.
“Shifra e pacientëve ishte 143,266 në 3-mujorin e parë të vitit 2020. Të ardhurat e gjeneruara për këtë periudhë ishin 187.9 miliardë dollarë”,- tha ai.
Sipas të dhënave, tre vendet e para që dërgojnë më shumë pacientë në Turqi, ishin Iraku, Azerbajxhani dhe Turkmenistani.
Të ardhurat e turizmit shëndetësor të Turqisë tejkaluan një miliard dollarë në vitin 2019, nga të cilat rreth 60% erdhën nga operacionet plastike.
Ministria Turke e Shëndetësisë synon të rrisë numrin e turistëve shëndetësorë në 1.5 milionë deri në vitin 2023, me të ardhura prej 10 miliardë dollarësh.
Duke vënë në dukje se gjatë pandemisë së Covid-19, infrastrukturat shëndetësore të vendeve të tjera kanë qenë nën presion, Temrel tha se, Turqia ishte një “yll i ndritshëm për sa i përket turizmit shëndetësor”.
/Burimi: Hurriyet daily neës/ Përshtyati: GazetaReforma.com/
