Shqipëria ka arritur në shifrën e 100 mijë vaksinimeve për COVID-19. Lajmin e ka bërë të ditur ministrja e Shëndetësisë Ogerta Manastirliu me anë të një postimi në Facebook-un e saj. Ajo shkruan se tashmë janë 100 jetë më të mbrojtura dhe se po afrohet drita në fund të tunelit.
Postimi i Manastirliut:
100 mijë të vaksinuar deri sot
100 mijë jetë më të mbrojtura🙏🏼
Çdo ditë e më shpejt po afrohet drita në fund të tunelit.
#ShqipëriaBuzëqesh🌼
Sot ka qenë dita e tretë e vaksinimit masiv në Shqipëri, ndërsa nuk janë bërë ende publike shifra zyrtare nga vaksinimi nga ana e institucineve zyrtare siç janë Ministria e Shëndetësisë apo Instituti i Shëndetit Publik. Të vetmit që kanë bërë me dije për procesin e vaksinimit kanë qenë ministrja Ogerta Manastirliu dhe kryeministri Edi Rama. Ndërkohë, prej kohësh ISHP shpërndan në faqen e saj zyrtare në Facebook postimet e Manastirliut apo Ramës për “rilindjen” e shëndetësisë, në kuadër të fushatës elektorale gjë që Gazeta Reforma e ka denoncuar më parë. Po të njëjtën gjë bën edhe Ministria e Shëndetësisë, duke mos e kryer funksionin e saj si një institucion publik.
Ndërkohë, në Shqipëri vaksinimi ka vazhduar me dozat e Pfizer, AstraZeneca dhe së fundi edhe dozat e Sputnik V dhe vaksinës kineze të Sinovac.
