Censi 2023 ka zbuluar një ndryshim të dukshëm në strukturen demografike të Shqipërisë, veçanërisht në zonat rurale të Jugut.
Në njësitë administrative si Frashër, Voskopojë, dhe shumë të tjera, numri i fëmijëve nën 14 vjeç është nën 5% të popullsisë, duke paralajmëruar shpopullimin e këtyre zonave në të ardhmen.
Përkundrazi, në disa njësi të Kukësit, si Tërthore, Gjinaj dhe Kolsh, përqindja e fëmijëve është ende e lartë, me më shumë se 25% të banorëve të rinj.
Të dhënat e Cens 2023 tregojnë se, ndërsa në disa rajone lindshmëria është ulur, Kukësi dhe Gjirokastra përballen me raporte të ndryshme varësie.
Kukësi ka një raport të lartë të varësisë së të rinjve (31,8%), ndërsa Gjirokastra ka një raport më të lartë të varësisë së të moshuarve (46,1%).
Këto ndryshime demografike kërkojnë që politikat publike të adaptohen për të mbështetur më mirë popullsinë e re në disa zona, ndërsa në të tjera duhet të përgatitenin infrastrukturë dhe shërbime për të moshuarit, për të parandaluar rritjen e varfërisë dhe pasigurisë sociale./ Monitor
