Dy punonjës të Policisë së Shkodrës kanë shpëtuar një 75-vjeçar, i cili tentoi të vetëmbytej në lumin Buna.
Ky akt i guximshëm dhe human u vlerësua nga Drejtori i Përgjithshëm i Policisë së Shtetit, Ilir Proda, i cili dërgoi mesazhe mirënjohjeje dhe inkurajimi për dy efektivët.
Proda theksoi se veprime të tilla që shfaqin humanizëm dhe sakrificë rrisin besimin e qytetarëve te Policia e Shtetit dhe kontribuojnë në ndërtimin e një institucioni më të besueshëm dhe të përkushtuar ndaj qytetarëve.
Ai u shpreh i vendosur për të vlerësuar dhe promovuar punonjësit që tregojnë ndershmëri dhe përkushtim në detyrë.
“Veprime të tilla më bëjnë optimist se Policia e Shtetit do të transformohet vërtet në atë Polici që qytetarët dëshirojnë dhe meritojnë,” tha Proda në mesazhin e tij.
