KFOR ka reaguar pas sulmit me eksploziv në tubacionin e ujit në Ibër Lepenc, Komuna e Zubin Patokut, duke ofruar mbështetje sigurie për Kosovën, pas tensioneve të vazhdueshme në Veri.
Përmes një njoftimi në rrjetin social “X”, KFOR ka dënuar ashpër sulmin që ka ndikuar në furnizimin me ujë të qytetarëve.
Misioni i NATO-s ka kërkuar një hetim të pavarur dhe vënien para drejtësisë të personave përgjegjës.
Po ashtu, KFOR ka shtuar personelin në zonën përreth ujësjellësit të Ibër Lepenc dhe ka theksuar rëndësinë e respektimit të Rezolutës 12/44 për paqen dhe sigurinë në rajon, duke vazhduar koordinimin me Policinë e Kosovës dhe Eulex për menaxhimin e situatës.
