Thellohet bilanci i viktimave nga shpërthimi në një hidrocentral në Bolonja në Itali. Siç raportojnë mediat italiane, numri i personave të vdekur ka shkuar në 5 ndërsa autoritetet vijojnë kërkimet për persona të tjerë të bllokuar.
Sipas TG COM, ekipet zjarrfikëse dhe ekipet e shpëtimit pas kërkimeve të shumta kanë gjetur një tjetër trup të pajetë duke e çuar në pesë numrin e viktimave. Tragjedia ndodhi disa ditë më parë, ndërsa kreu i ekipit të shpëtimit Giovanni Cirmi deklaroi se shpërthimi ka qenë i fortë për rrjedhojë ka shkaktuar pasoja të mëdha.
Kryepokurori i Bolonjas, Guiseppe Amato deklaroi se për këtë ngjarje po vazhdojnë intensivisht edhe hetimet, për të zbardhur shkaqet e kësaj tragjedie.
