Një bombol gazi shpërtheu mëngjesin e sotëm në një byrektore në Yzberisht në Tiranë.
Si pasojë e shpërthimit, janë lënduar punonjësja, Ardjana Mesi dhe bashkëpronarja Klodiana Simeci.
Të plagosurat u dërguan menjëherë në spital dhe janë jashtë rrezikut për jetën.
Sipas “Balkanweb”, punëtorja Ardjana Mesi është lënduar në sy, pasi i ka depërtuar njëri nga xhamat.
Ndërkohë bashkëpronarja Klodiana Simeci ka pësuar shembje, pasi shpërthimi e ka rrëzuar në tokë.
Në vendngjarje kanë mbërritur zjarrfikëset, të cilat po bëjnë këqyjen e bombolave të gazit.
Gjithashtu pritet të mbërrijnë edhe ekspertët e ISHTI-it, për të parë nëse bombolat me madhësi 20 litra ishin jashtë funksionit.
