Një transformator i tensionit të lartë ka shpërthyer para pak minutash në autostradën Tiranë-Durrës. Si pasojë mbetën të plagosur tre punëtorë, njëri prej të cilëve, mësohet se ka humbur jetën në Spitalin e Traumës.
Sipas policisë shkaku i shpërthimit ka qenë shkëndijat elektrike. Transformatori ka qenë pranë një objekti në rikonstruksion, në rrugën dytësore, në autostradën Tiranë- Durrës.
Personat e lënduar janë punonjësit me iniciale: F.Ç., S.Ç., dhe Gj.S. Nuk dihet se cili prej tyre ka ndërruar jetë.
