Një shpërthim i fuqishëm ka shkatërruar një ndërtesë apartamentesh trekatëshe në lagjen Marijahoev të Hagës, duke lënë të bllokuar të paktën 20 persona nën rrënoja.
Shpërthimi ndodhi në mëngjesin e sotëm në orën 06:15, duke shkaktuar një zjarr të madh dhe shembjen e pjesëve të ndërtesës, përfshirë pesë deri në shtatë banesa.
Shërbimet e shpëtimit, përfshirë ekipet e Kërkimit dhe Shpëtimit Urban (USAR), katër qen shërbyes dhe inxhinierë civilë, janë angazhuar në operacionin e shpëtimit.
Deri tani, katër persona janë shpëtuar dhe janë transportuar në spitale. Shpërthimi ka shkaktuar gjithashtu dëme të rënda në ndërtesat përreth, ndërsa disa rrugë janë mbyllur për arsye sigurie.
Në ndërtesën e shkatërruar jetonin kryesisht të moshuar dhe familje me fëmijë. Autoritetet vazhdojnë kërkimet për të gjetur viktimat që mund të jenë ende të bllokuara nën rrënoja.
