Një shpërthim me lëndë plasëse është regjistruar në orët e para të mëngjesit të sotëm në qytetin e Beratit.
Ngjarja ka ndodhur rreth orës 04:00, në lagjen “Çlirim”, ku një sasi eksplozivi është vendosur në derën e një lokali në pronësi të shtetasit S. F.
Fatmirësisht, nga shpërthimi nuk ka pasur të lënduar, por janë shkaktuar dëme materiale në ambientet e lokalit.
Në vendngjarje ndodhen forcat e policisë dhe grupi hetimor, të cilët po punojnë për të zbardhur rrethanat dhe për të identifikuar autorët e mundshëm të sulmit.
