Një ngjarje e rëndë ka ndodhur orët e para të mëngjesit të sotëm në Selenicë të Vlorës. Një banesë ka marrë flakë si pasojë e shpërthimit të një bombole gazi.
Sipas policisë nga shpërthimi kanë mbetur të dëmtuar pronarët e banesës, 49-vjeçari R.S., dhe bashkëshortja e tij 42-vjeçare M.S.
Mësohet se gruaja ndodhet në gjendje të rëndë shëndetësore dhe ndaj është nisur drejt spitalit të Tiranës për mjekim të menjëhershëm.
Ende nuk dihet si ka ndodhur ngjarja e rëndë, por dyshohet për pakujdesi nga vetë pronarët e shtëpisë.
Njoftimi i policisë:
Më datë 17.07.2018, në orën 05:53, në Selenicë të Vlorës ka marrë flakë një banesë si pasojë e shpërthimit të një bombule gazi.
Nga shpërthimi kanë mbetur të dëmtuar pronarët e banesës, 49 vjeçari R.S dhe bashkëshortja e tij 42 vjeçare M.S.
Kjo e fundit ndodhet në gjendje të rëndë shëndetësore dhe do të niset drejt Tiranës për mjekim më të specializuar. Nuk ka persona të tjerë të dëmtuar dhe gjithashtu banesa nuk përbën rrezik nga zjarri për banesat e tjera. Grupi hetimorë po vijon veprimet e mëtejshme proçeduriale.
