Një ngjarje e rëndë ka ndodhur pasditen e sotme rreth orës 17:30 në fshatin Libofshë të Fierit.
Bëhet me dije se në banesën e shtetasit me iniciale M.Z. ka shpërthyer një bombulë gazi, ku si pasojë janë dëmtuar lehtë i zoti i shtëpisë M. Z dhe nëna e tij.
Sipas informacioneve paraprake zjarri është fikur plotësisht, ndërsa në banesë ka dëme të vogla materiale.
Nga ana tjetër, policia dhe grupi hetimor ndodhen në vendngjarje ku po kryen veprimet hetimore për zbardhjen e plotë të rrethanave.
Kohët e fundit po raportohen gjithnjë e më shumë ngjarje të tilla nga bombulat e gazit, që si duket janë kthyer në një rrezik për jetën e qytetarëve.
