Një bombol gazi shpërtheu mbrëmjen e djeshme në një lokal në rrugën “Mark Sopi” në Prishtinë, duke lënduar dy persona. Ngjarja ndodhi rreth orës 23:00, sipas zëdhënëses së Policisë së Kosovës, Flora Ahmeti.
“Zyrtarët policor reaguan menjëherë pasi ndodheshin pranë vendit të ngjarjes. Bazuar në informacionet e para, dyshohet që shpërthimi ka ardhur nga një bombol gazi,” tha Ahmeti.
Policia vazhdon hetimet për të zbardhur rrethanat e këtij incidenti.
