Një bombol gazi shpërtheu në një banesë në fshatin Rraboshtë të Lezhës, duke plagosur kryefamiljarin Gjergj Pali. Ai u dërgua menjëherë në spitalin e Lezhës për ndihmë mjekësore.
Shpërthimi ndodhi në katin e parë të një shtëpie dy katëshe.
Sipas policisë, rreth orës 13:00, në banesën e 62-vjeçarit Gj. P., dyshohet se bombola e gazit për gatim shpërtheu për shkak të rrjedhjes së gazit. 62-vjeçari u transportua në Spitalin e Traumës për trajtim të specializuar dhe aktualisht është jashtë rrezikut për jetën.
Grupi hetimor është në vendngjarje dhe po vazhdon hetimet për të sqaruar rrethanat e incidentit.
