Në prangat e policisë së Pogradecit ka përfunduar një 35-vjeçar pasi është kapur në flagrancë nga policia duke shpërndarë kokainë.
Mësohet se në prangat e policisë ka rënë shtetasi me inicialet A.T., i cili ishte në lagjen nr.1 të qytetit të Pogradecit me mjetin e tij tip “Benz”, kur gjatë një kontrolli rutinë nga Policia iu gjetën doza kokainë gati për shitje.
35-vjeçari ra në prangat e Policisë dhe tashmë do të hetohet nga Prokuroria. Mësohet se materialet i kaluan Prokurorisë pranë Gjykatës së Shkallës së Parë Pogradec për veprime të mëtejshme.
Njoftimi nga Policia e Pogradecit
Kapet me doza me lëndë të dyshuar narkotike kokainë, vihet në pranga poseduesi i tyre.
Specialistët për Hetimin e Krimeve në Komisariatin e Policisë Pogradec, në vijim të punës për goditjen e aktivitetit kriminal të shpërndarjes së drogave të forta në doza të vogla, bënë arrestimin në flagrancë të shtetasit A. T., 35 vjeç, banues në Pogradec.
Ky shtetas u kap nga shërbimet e policisë në lagjen nr. 1, Pogradec, me mjetin tip “Benz”, gjatë kontrollit së të cilit iu gjetën e sekuestruan doza me lëndë të dyshuar narkotike kokainë, gati për shitje, të cilat iu sekuestruan në cilësinë e provës materiale.
Materialet i kaluan Prokurorisë pranë Gjykatës së Shkallës së Parë Pogradec për veprime të mëtejshme.
Prokuroria dërgon në gjyq biznesmenin Lul Morina
Prokuroria pranë Gjykatës së Shkallës së Parë të Juridiksionit të Përgjithshëm në Tiranë ka përfunduar hetimet dhe ka dërguar në...
