Ambasadorja e Shteteve të Bashkuara të Amerikës, Yuri Kim ka qenë ditën e sotme në bazën ushtarake të Pashalimanit për të ndjekur nga afër stërvitjen në kuadër të “Defender Europe 21”. Në një prononcim për mediat ajo u pyet sërish në lidhje me vendimin e DASH për të shpallur “non grata”, ish-kryeministrin Sali Berisha. Kim u përgjigj për këtë çështje me sloganin e Partisë Demokratike, se “Shqipëria po ndryshon”.
“Mesazhi është ky. Shqipëria po ndryshon. Është anëtare e NATOS. Do të jetë në BE. Është një aleate dhe mike e SHBA. Shteti ligjor duhet të mbizotëroj. Duhet të jetë i pastër dhe një vend i pasur. Të shkosh atje asnjë nuk mund të jetë mbi ligjin. Ditët e pa-ndëshkueshmërisë duhet të shkojnë në fund. Dhe të gjithë duhet të punojmë. Nuk është projekt i SHBA dhe i juaj po është i përbashkët. Dy popujt tonë.” tha Kim.
Ambasadorja më tej ka vazhduar duke thënë se nuk ka asgjë për të shtuar dhe se është në të njëjtën linjë me Blinken.
“Nuk kam asgjë për të shtuar përveç atë që ka thënë Blinker” tha Kim.
E pyettur lidhur me padinë që ka ngritur Berisha kundër Blinker ku ankimohet vendimi i DASH për shpalljen e tij “non grata”, ajo është shprehur se nuk ka dijeni për këtë rast.
“ Nuk ia kam idenë se çfarë po flisni” tha ambasadorja.
