Shpallet kompania fituese për Aeroportin e Vlorës. Mësohet se aeroporti do të ndërtohet nga biznesmeni shqiptar Behgjet Pacolli dhe kompania e tij, Mabetex Group në bashkëpunim me kompaninë Yda Group.
Fituesi saktësisht është një bashkim kompanish të regjistruara në Zvicër, Mabco Construction (Mabetex Group) (50%); YDA – Group (48%); 2A Group SH.PK (2%) me vlerë investimi saktësisht 103 milion e 966 mijë euro.
Lajmi u bë i ditur nga ministrja e Infrastrukturës dhe Energjitikës, Belinda Balluku dhe kryeministri Edi Rama, të cilët po zhvillojnë një konferencë për shtyp nga Kryeministria.
Pjesë nga reagimi:
”Tashmë përmbyllet edhe me kontratën për aeroportin e Vlorës. Tani vjen ai i Saarandës që do të plotësojë kurorën, nga Kukësi, Tirana, Vlora dhe tani Saranda. Kemi nisur nga puna dhe për Korçën, duke qenë se potenciali turistik aty është mjaft i madh.
Do doja të falenderoja anëtarët e Komisionit. Kanë bërë një punë për t’u vlerësuar.
Për ditë e netë të tëra, duke kaluar çdo dokument nëpër duar. Keni bërë një punë të shkëlqyer, mendoj se është një moment historik. Duhet të jeni pjesë e këtij momenti.
Tani është momenti konkret se kush është fituesi.
Kemi pasur dy garues. Njëra nga ofertat është ALDE Coorporation, që nuk ka përmbushur asnjë kriter. Nuk ka pasur as eksperiencën, as kushtet financiare
Kompania tjetër dhe fituese është e regjistruar në Zvicër, ka është një bashkim Mabco Construction (Mabetex Group) (50%); YDA – Group (48%); 2A Group SH.PK (2%), ku vlera e investimit është 103.966.030 Euro.”-tha Balluku.
