Kryetari i Partisë Demokratike, Lulzim Basha ka reaguar ditën e sotme në lidhje me operacionin policor të koduar “Shpirti”, i cili u shtri në katër shtete. Sipas dosjes së prokurorisë, në këtë operacion akuzohen për trafik droge edhe dy badigardët e ish-ministrit të Brendshëm, Saimir Tahiri. Me anë të një postimi në rrjetet sociale, Basha ka shkruar se asgjë nuk është e re në këtë histori, pasi sipas tij të gjithë e dinë se “asgjë nuk lëviz pa lejen e bablokut”.
“Tahiri? Bodigardet e Tahirit? Ëhat’s neë???????Te gjithe e dine se asgje nuk levizte e nuk leviz pa lejen e bablokut!!! Te gjithë”, shkruan në postimin e tij në rrjetet sociale, kreu i PD-së Lulzim Basha.
Tahiri? Bodigardet e Tahirit? What's new???????Te gjithe e dine se asgje nuk levizte e nuk leviz pa lejen e bablokut!!! Te gjithe.
— Lulzim Basha (@lulzimbasha_al) July 4, 2021
Kujtojmë se ditën e premte, SPAK në bashkëpunim me struktura ndërkombëtare finalizoi me sukses operacionin e koduar “Shpirti”. Në pranga ranë prokurorë, ish-punonjës policie, si dhe ish-shoqëruesit e ish-ministrit të Brendshëm Saimir Tahiri.
Ndaj njërit prej tyre, i quajtur Paul (Agustin) Deda, gjykata ka caktuar masën e “arrestit me burg” për veprat penale të ngritura nga SPAK “trafikim i narkotikëve”, në bashkëpunim në kuadër të grupit të strukturuar kriminal”, “pastrim i produkteve të veprës penale ose i veprimtarisë kriminale”, “grupi i strukturuar kriminal”, “kryerja e veprave penale nga organizata kriminale dhe grupi i strukturuar kriminal”.
