Një aksident tragjik ka ndodhur në shtetin Nuevo Leon të Meksikës, ku një autobus me pasagjerë është përmbysur duke shkaktuar vdekjen e të paktën 11 personave dhe plagosjen e 17 të tjerëve.
Viktimat janë pjesëtarë të së njëjtës familje, të cilët po udhëtonin drejt shtetit fqinj Tamaulipas për pushime.
Mes viktimave janë nëntë të rritur dhe dy fëmijë të vegjël, të gjithë nën moshën 5 vjeç.
Autoritetet dyshojnë se aksidenti ndodhi pasi shoferin e zuri gjumi në timon, duke bërë që autobusi të humbiste kontrollin dhe të përplasej me një kangjellë mbrojtëse rrugore.
Hetimet për ngjarjen vijojnë, ndërsa të plagosurit po marrin ndihmën mjekësore në spitalet e zonës.
