Shpërthimet e automjeteve për shkak të detyrës janë kthyer në një makth edhe për vet qytetarët. Një ngjarje e tillë është shënuar mesnatën e djeshme në qytetin e Laçit, ku makina e një zyrtari të Zyrës së Regjistrimit të Pasurive të Paluajtshme është shkrumbuar nga flakët.
Ngjarja mësohet të ketë ndodhur rreth orës 12 të natës, në kohën që mjeti ka qenë i parkuar jashtë shtëpisë së Shefit të personaleit pranë Hipotekës në Laç, Klevis Berhani.
Shpërthimi ka shkaktuar panik tek familjarët, por edhe tek banorët e lagjes.
Policia ka mbërritur në vendngjarje bashkë me grupin hetimor dhe është duke u punuar për zbardhjen e ngjarjes dhe kapjen e autorëve. Megjithatë deri në këto momente dyshimet e para janë se zjarrvënia ka qenë e qëllimshme dhe ka lidhje të ngushtë me detyrën që mbante Klevis Berhani.
