Konispoli është tronditur mbrëmjen e djeshme pasi një autobuz ka marrë flakë.
Mësohet që ngjarja të ketë ndodhur gjatë orëve të natës dhe autobuzi, i cili ka qenë i linjës Konispol- Sarandë- Konispol, është shkrumbuar tërësisht.
Sipas burimeve nga policia, autobuzi ishte në pronësit të Sh.H dhe ka qenë i parkuar në qendër të Konispolit, vend ku edhe ka ndodhur ngjarja.
Dyshimet e para që policia ka hedhur janë për zjarrvënie të qëllimshme, mirëpo kjo mbetet ende për të verifikuar, pasi ende nuk kanë përfunduar hetimet për ngjarjen.
“Policia ka sekuestruar disa kamera sigurie, po përpiqet të zbardhë ngjarjen”, thuhet në një njoftim paraprak për ngjarjen.
