Në Itali numri i të infektuarve me Covid-19 vijon të rritet çdo ditë e më shumë e bashkë me të dhe numri i futbollistëve që preken nga ky virus. Së fundmi është njoftuar se një tjetër yll juventin është infektuar me koronavirus. Mbrojtësi holandez Matthijs De Ligt ka rezultuar pozitiv në testin e fundit.Titullari i bardhezinjve ka bërë tamponin një ditë më parë dhe sot ka dalë përgjigja
“Juventusi njofton se pas kontrolleve të fundit në bazë të protokollit në fuqi, Matthijs De Ligt ka rezultuar pozitiv me COVID-19. Lojtari momentalisht është izoluar në mënyrë vullnetare”, njoftojnë kampionët në fuqi të Italisë.
Ndërkohë pak para nisjesë së ndeshjes me Milanin kishin dalë me COVID-19 edhe dy futbollistë të tjerë, Juan Cuadrado dhe Alex Sandro. Në këtë mënyrë numri i mungesave te Juventusit prej koronavirusit shkon në tre.
First Team footballer tests positivehttps://t.co/EcTO4lNHab pic.twitter.com/NttqVjS2Yg
— JuventusFC 🇬🇧🇺🇸 (@juventusfcen) January 8, 2021
Sakaq kujtojmë se vetëm ditën e sotme Italia ka raportuar 17,533 raste të reja pozitive për Covid-19 , nga 140,267 teste të kryera. Gjithashtu vlen të theksohet fakti se edhe në Itali para pak javësh u shfaq dhe rasti i parë i mutacionit të Covid-19 i ardhur nga Britania e madhe i cili është më i transmetueshëm, por nuk ka lodhje aq sa koronavirusi i zakonshêm.
