Një 38-vjeçar nga Përrenjasi është arrestuar ditën e sotme nga policia.
Ai akuzohet se ka dhunuar një efektiv policie në ambientet e Policisë, për shkak të detyrës së tij.
Policia njofton se bëhet fjalë për shtetasin me inicialet A. H., banues në fshatin Rrajcë-Fushë të Përrenjasit.
Ky i fundit ka shkuar në Stacionin Policor Përrenjas për sqarimin e mosmarrëveshjes me një qytetar dhe gjatë bashkëbisedimit me punonjësin e Policisë e ka goditur atë për shkak të detyrës.
Materialet hetimore i kaluan Prokurorisë pranë Gjykatës së Shkallës Parë Elbasan, për veprimet e mëtejshme.
