Ka shkuar në 76 numri i të prekurve nga koronavirusi në vendin tonë.
Përditësimi i të dhënave është bërë nga shefja e epidemiologjisë në ISHP, Eugena Tomini.
Në 24 orët e fundit janë testuar 46 persona, 6 prej të cilëve rezultuan pozitiv.
Nga këto 5 raste ishin në Tiranë dhe 1 në Fier, të gjithë kontakte.
Tek spitali Infektiv ndodhen 37 persona, 4 prej të cilëve ndodhen në terapi intensive.
Pjesa tjetër po qëndrojnë në shtëpi të vetëkarantinuar, nën monitorim nga mjeku i familjes dhe autoritetet vendore të shëndetësisë.
Sipas të dhënave të fundit, 59% e rasteve janë meshkuj, ndërsa 41% femra, nga 778 teste të kryera.
Në 24 orët e fundit janë testuar 46 persona, 6 prej të cilëve rezultuan pozitiv.
Nga këto 5 raste ishin në Tiranë dhe 1 në Fier, të gjithë kontakte.
Harta e koronavirusit ndërkohë mbetet e pandryshuar.
Të prekurit ndodhen në zonën Tiranë, Durrës, Kavajë, Rrogozhinë, Lushnje, Fier dhe Elbasan.
Autoritetet bëjnë thirrje për qytetarët, që të respektojnë higjienën dhe distancimin social.
Gjithashtu në rast se qyetarët shfaqin shenja si kollë, temperaturë dhe vështirësi në frymëmarrje, duhet të telefonojnë 127 dhe mos të paraqiten menjëherë në spital.
