Shkon në 7 numri i viktimave nga COVID-19 në Kosovë

Google+ Pinterest LinkedIn Tumblr +

Ka shkuar në 7 numri i viktimave në Kosovë pasi Ministria e Shëndetësisë së Kosovës, përmes një njoftimi ka bërë me dije se ka hunbur jetën një tjetër person nga koronavirusi ditën e sotme.

Viktima është shtetasi Z.I., 74 vjeç, nga komuna e Gjilanit, teksa bëhet me dije se pacienti kishte edhe sëmundje të tjera shoqëruese.

Klinika Infektive e QKUK-së ka njoftuar se sot më 09.04.2020 në orët e mbrëmjes, në Njësinë e Kujdesit Intensiv të kësaj klinike, ka vdekur pacienti  Z.I, i lindur më 1948 nga komuna e Gjilanit, i diagnostikuar me COVID 19. Pacienti është pranuar në Klinikën Infektive me datën 31.03.2020 në gjendje të rëndë dhe kishte edhe sëmundje të tjera shoqëruese. Kjo është vdekja e shtatë nga Covid-19 në Kosovë”, njofton Ministria e Shëndetësisë.

Sakaq, numri i të infektuarve ka shkuar në 224.

Ditët e fundit është vënë re një përkeqësim i situatës në shtetin e Kosovës, pasi numri i viktimave është dyfishuar, teksa ai i të prekurve është thelluar.

Ky përkeqësim ishte paralajmëruar më parë edhe nga OBSH, që ka bërë thirrje për masa të rrepta.

Kujtojmë se kryeministri në detyrë Albin Kurti vendosi të kufizojë lëvizjet në Kosovë, por ky vendim u hodhë poshtë nga Gjykata e Prishtinës pas kërkesës së presidentit Thaçi.

Sipas këtij të fundit situata nuk është shumë keq dhe nuk ka nevojë për masa të tilla, mirëpo vetë ai i kërkoi Kurtit të shpallte gjendjen e jashtëzakonshme.

Shpërndaje
Share.

Komento