Ka shkuar në 33 numri i të prekurve nga koronavirusi në vendin tonë.
Informacioni është konfirmuar nga zv. Ministrja e Shëndetësisë, Mira Rakacolli.
Kjo e fundit shton, se janë kryer 159 testime të reja, nga 457 në total.
Ministria e Shëndetësisë bën me dije se 8 prej rasteve janë të shtruar në spitalin e Infektivit.
Qeveria shqiptare për të parandaluar përhapjen nga koronavirusi ka marrë një sërë masash shtrënguese.
Prej dy ditësh në rrugë ndodhet ushtria dhe policia, të cilat po vijojnë kontrollet për personat që nuk zbatojnë rregullat e vetëkarantinimit.
Me urdhër të kryeministrit Edi Rama, deri të dielën në mesnatë do të ndërpritet qarkullimi i makinave private.
Ndërsa më herët janë mbyllur shkollat, lokalet, fasoneritë, call center-at, si dhe janë ndaluar tubimet.
