Ka shkuar mbi 22 milionë, numri i personave të infektuar me koronavirus në të gjithë botën.
Saktësisht, në tërë rruzullin tokësor, janë infektuar me Covid-19, deri tashmë, 22 079 934 njerëz.
Numri i të vdekurve për shkak të koronavirusit në të gjithë botën ka shkuar deri tani 778 102 persona.
Ndërsa, nga të gjithë të infektuarit, janë shëruar nga Covid-19 deri tashmë, 14 814 054 individë.
Shteti me më shumë të infektuar nga koronavirusi vazhdon të jetë Shtetet e Bashkuara të Amerikës, me mbi 5.6 milionë raste.
Pas SHBA, më shumë të infektuar me Covid-19 ka Brazili, India, Rusia, Afrika e Jugut, Peruja, Meksika, Kolumbia etj.
Pasi u përhap fillimisht në Kinë, Covid-19 nisi që të ketë shpërndarje më të madhe në vendet e Europës Perëndimore, por këto të fundit morën masa të menjëhershme, duke bërë që tashmë shumë të infektuar të jenë në vendet e Amerikës Latine.
Koronavirusi ka më shumë se 7 muaj që zgjat, ndërsa nga përhapja e tij, bota ka pësuar një sërë problemesh, duke nisur nga ato ekonomike, sociale dhe politike.
Ekonomitë e mëdha raportuan se kanë pësuar një rënië te ndjeshme të performancës, duke thënë se iu duhet 1 vit më së paku të marrin veten nga pasojat e pandemisë.
