Një 44-vjeçar shqiptar ka ndërruar jetë në Maqedoninë e Veriut në datën 1 prill, në banesën e tij në Kavadar.
Blendi Fevziu tha në “Opinion”, se bëhet fjalë për një qytetar nga Fieri, i cili kishte shkuar në shtetin fqinj për të punuar dhe jetonte së bashku me disa shtetas të tjerë, shqiptarë dhe maqedonas.
Kanë qenë shokët e tij, ata që kanë njoftuar policinë për vdekjen e 44-vjeçarit, i cili sipas informacioneve paraprake gëzonte shëndet të mirë dhe nuk kishte shfaqur shenja sëmundjeje.
Mirëpo, trupi i viktimës iu nënshtrua autopsisë, përgjigja e së cilës ka dalë ditën e sotme, duke verifikuar se në trupin e viktimës nuk kishte shenja dhune, ndërsa rezultoi që ai kishte qenë i prekur nga koronavirusi.
Sakaq, lajmi për ndarjen e tij nga jeta i është trasmetuar familjes që më 1 prill.
