Një 26-vjeçar shqiptar është zhdukur në rrethana misterioze pasditen e së hënës. Ai kishte shkuar në Greqi për të kaluar edhe pushimet pranë familjes së vet. Sipas mediave greke, shqiptari quhet Lorenc Metaj, i ditëlindjes 1 qershor 1993.
Zhdukja e të riut u raportua nga familja e tij në Drejtorinë e Policisë në Kalamoti mëngjesin e djeshëm. Ai raportohet të jetë zhdukur pasditen e së hënës nga Kalamoti ku jetonte këto ditët e fundit.
Lorenci kishte qenë në ishullin Chios për 20 ditë dhe më pas kishte vendosur të shkonte në Kalamoti, aty ku banon edhe familja e tij.
Policia greke u ka bërë apel të gjithë atyre që e shikojnë për të njoftuar duke lënë dhe një numër telefoni që të kontaktojnë.
“Kushdo që sheh ose ka ndonjë informacion në dispozicion të tyre, kërkohet me mirësi të kontaktojë me komisariatin e policisë në telefon 2271071222”, thuhet në njoftimin e policisë greke.
