Nga disa të shtëna me armë zjarri është plagosur qytetari Eduard Lekndreaj mbrëmjen e sotme, në qytetin e Shkodrës.
Lekndreaj është plagosur në këmbë dhe mendohet se është jashtë rrezikut për jetën, teksa po mjekohet në spitalin Rajonal të qytetit.
Ngjarja ka ndodhur pranë Urës së Thive në Shkodër, në afërsi të një lokali. Sipas burimeve jozyrtare të afërta me ngjarjen palët janë konfliktuar në një lokal ne orën 20:00 të kësaj mbrëmje ndërsa me pas ka përfunduar me plagosjen pas orës 23.00. Nuk dihen arsyet se pse ka ndodhur kjo ngjarje, që mund të ketë qenë dhe një atentat i dështuar.
Policia ka identifikuar autorët dhe është vënë në ndjekje të tyre.
Njoftimi i Policisë:
Më datë 11.01.2021, rreth orës 22:20, në Spitalin Rajonal Shkodër ka shkuar i dëmtuar në këmbë, dyshohet me armë zjarri shtetasi E. L. 24 vjeç, banues në Shkodër, i cili ndodhet jashtë rrezikut për jetën.
Nga verifikimet paraprake ka rezultuar se ngjarja ka ndodhur në lagjen “Tre Heronjt”, Shkodër, dyshohet si pasojë e një konflikti të çastit.
Në vendin e ngjarjes ndodhen shërbimet e policisë dhe vijon puna për kapjen e autorit, i cili është identifikuar nga Policia.
Grupi hetimor nën drejtimin e Prokurorisë po punon për sqarimin e rrethanave të ngjarjes.
