Ndërkohë që u raportua për një shpërthim me tritol në banesën e Prelë Milanit, shef i Stacionit të Policisë Theth, një tjetër ngjarje e rëndë ndodhi pak orë më vonë në Shkodër.
Raportohet për një tjetër shpërthim me tritol në Grudë të Re.
Ngjarja ka ndodhur në shtëpinë e shtetasit Kolë Bungajës.
Lënda plasëse është vendosur në hyrje të banesës, por fatmirësisht ka shkaktuar vetëm dëme materiale.
Gjatë momentit të shpërthimit të gjithë familjarët kanë qenë në gjumë.
Më pas, ata kanë njoftuar policinë, e cila vijon hetimin e çështjes.
Familja Bungaja ka deklaruar se nuk ka ndonjë konflikt dhe nuk kanë dyshim për ndonjë person.
Megjithatë, po punohet për të identifikuar autorin e ngjarjes.
