Përhapja e Coronavirusit me shpejtësi të madhe përtej kufijve të Kinës ka bërë që shumë vende të marrin masa për të mos lejuar kthimin e virusit në një pandemi.
Coronavirusi, OBSH bën thirrje: Të bëhemi gati, bota rrezikon një pandemi”
Pas thirrjes së OBSH për gatishmëri globale, Bashkimi Europian premtoi 230 milionë euro me qëllim për të luftuar kundër virusit të rrezikshëm.
Po ashtu, SHBA ka premtuar 2.5 miliardë dollarë, nga të cilat 1 miliardë do jepen për vaksinën e nevojshme për të luftuar virusin, ndërsa 1.5 miliardë dollarë për pajisje mjekësore.
Ndërkohë disa ditë më parë një kompani farmaceutike në SHBA tha se ka gati vaksinën kundër Coronavirusit, që pritet të testohet në prill.
Megjithatë, nëse rezulton efektive ajo nuk del në treg para 2021.
Kompania amerikane gati vaksinën kundër Coronavirusit, por nuk del në treg para vitit 2021
Mirëpo, shkencëtarët izraelitë duket se janë një hap para pasi kanë lajmëruar se janë në prag të krijimit të vaksinës së parë kundër Coronavirusit.
Dhe për më tepër, nëse gjërat shkojnë sipas planit, vaksina mund të jetë në dispozicion për 90 ditë.
Lajmin e ka bërë të ditur Ministri i Shkencës dhe Teknologjisë izraelite Ofir Akunis, ndërsa zbulimi është bërë nga MIGAL, Instituti i Kërkimeve Galile.
“Jam i bindur se do të ketë përparim të mëtejshëm të shpejtë, duke na mundësuar të sigurojmë një përgjigje të nevojshme ndaj kërcënimit të rëndë global COVID-19”, u shpreh ministri.
Ndërsa CEO i MIGAL, David Zigdon, tha: “Duke pasur parasysh nevojën urgjente globale për një vaksinë njerëzore të koronavirusit, ne po bëjmë gjithçka që mundemi për të përshpejtuar zhvillimin. Vaksina mund të jetë gati për 90 ditë
Do të jetë një vaksinë që merret me gojë, duke e bërë atë veçanërisht të arritshme për publikun e gjerë. Ne jemi aktualisht në diskutime intensive me partnerë të mundshëm që mund të ndihmojnë në përshpejtimin e fazës së gjykimeve brenda-njerëzore dhe të përshpejtojmë përfundimin e zhvillimit të produkteve të fundit dhe aktiviteteve rregullatore,” tha ai.
Kujtojmë se deri tani Coronavirusi ka prekur më shumë se 45 vende, ku janë shënuar më shumë se 81 000 persona të infektuar dhe mëse 2 760 viktima.
Nga këta, më shumë se 40 viktima janë identifikuar jashtë Kinës, teksa 29 viktima janë regjistruar brenda 24 orëve, numri më i ulët në gati një muaj, kurse numri i të infektuarve tashmë është më i lartë jashtë shtetit kinez.
