Përhapja e Coronavirusit me shpejtësi të madhe përtej kufijve të Kinës ka bërë që shumë vende të marrin masa për të mos lejuar kthimin e virusit në një pandemi.
Coronavirusi, OBSH bën thirrje: Të bëhemi gati, bota rrezikon një pandemi”
Pas thirrjes së OBSH për gatishmëri globale, Bashkimi Europian premtoi 230 milionë euro me qëllim për të luftuar kundër virusit të rrezikshëm, ndërsa SHBA ka premtuar 2.5 miliardë dollarë, nga të cilat 1 miliardë do jepen për vaksinën e nevojshme për të luftuar virusin, ndërsa 1.5 miliardë dollarë për pajisje mjekësore.
Ndërkohë disa javë më parë një kompani farmaceutike në SHBA tha se ka gati vaksinën kundër Coronavirusit, që pritet të testohet në prill, megjithatë, nëse rezulton efektive ajo nuk del në treg para 2021.
Kompania amerikane gati vaksinën kundër Coronavirusit, por nuk del në treg para vitit 2021
Mirëpo, në fund të muajit shkurt shkencëtarët izraelitë lajmëruan se janë në prag të krijimit të vaksinës së parë kundër Coronavirus dhe për më tepër, nëse gjërat shkojnë sipas planit, vaksina mund të jetë në dispozicion për 90 ditë.
Izraelitët një hap para, vaksina kundër Coronavirusit mund të jetë gati shumë shpejt
Nga ana tjetër, deri më tani qeveria kineze ka shpenzuar miliarda dollarë për subvencione dhe kredi për të nxitur përparimin e inteligjencën artificiale në vend, teksa së fundmi ka deklaruar se disa vaksina kundër Coronavirusit mund të dalin në përdorim klinik nga muaji i ardhshëm.
Autoritetet kanë raportuar se shkencëtarët e vendit po përpiqen që të zhvillojnë produkte imunizimi të prodhuara nga pesë teknologji njëherësh.
Ata bëjnë me dije se është krijuar një ekip special për të marrë përsipër përgjegjësinë e zhvillimit të vaksinave kundër epidemisë vdekjeprurëse dhe përdorimi i vaksinave fillimisht do të testohet tek kafshët, për t’u vendosur më pas në zbatim ndaj personave të infektuar.
Kujtojmë se më herët firmat kineze të robotikës kanë krijuar një pajisje për dezinfektimin e hapësirave publike, gtë quajtur ‘Thor-1’, të cilësuar nga kinezët si një “armë e fuqisë së jashtëzakonshme” kundër Coronavirusit.
Prova e parë mbi funksionimin e robotit është bërë në një park në Hangzhou në Kinën lindore, një qytet pjesërisht i bllokuar prej Covid -19.
Nëse njeriu nuk e lufton dot Coronavirusin, robotika mundet. Ja shpikja e fundit e kinezëve
