Drejtori i përgjithshëm i Digitalb, Alban Jaho, është shkarkuar nga detyra.
Vendimi për shkakrimin e menjëhershëm të Jahos, është marrë nga familja Hoxha, pasi ndër katër aksionarët që kanë votuar për shkarkimin e tij, tre janë Vjollca, Itan dhe Redia Hoxha.
Në vendimin e mbledhjes së aksionerëve thuhet se motivacioni për shkarkimin e Alban Jahos është shkelja e rëndë dhe flagrante e detyrave që i kishte ngarkuar Këshilli Mbikqyrës. Shkarkimi është kërkuar nga Vjollca Hoxha.
“Zoti Alban Jaho detyrohet që brenda ditës së sotme, t’ia dorëzojë nëpërmjet një procesverbali ambientet dhe mjetet e punës, si dhe të gjithë dokumentacionin shkresor dhe elektronik të administrimit të veprimtarisë së shoqërisë znj. Vjollca Hoxha dhe z. Arben Taipi”, thuhet në vendimin e siguruar nga Newsbomb.al.
Postin e administratorit të përkohshëm të Digitalb do ta mbajë Arben Taipi dhe Vjollca Hoxha
/Newsbomb.al
