Në këtë video që u shpërnda nga aktori Bes Kallaku, Presidenti Ilir Meta dhe bashkëshortja e tij, kryetarja e LSI-së, Monika Kryemadhi festojnë sikur COVID nuk ekziston.
Ato kanë marrë pjesë në ditëlindjen e aktorit të humorit Bes Kallaku, në një festë kur nuk zbatohet asnjë rregull, as maska, as distancimi fizik e mbi të gjitha janë të grumbulluar më shumë se 10 veta në një ambient. Në videon që është publikuar vetë nga aktori Bes Kallaku shfaqet kryetarja e LSI-së teksa ia merr valles popullore.
Në një kohë kur opozita sulmon qeverinë se situata e COVID-19 është jashtë kontrollit me viktima që fshihen, apo raste alarmante, duket se të gjitha janë vetëm sulme me prapavijë politike, pasi janë vetë ata që shkelin me dy këmbë rregullat anti- COVID.
Ditën e sotme, kryeministri Rama akuzoi Metën dhe Bashën se po e përdorin Covid-19 me qëllim për të fituar pushtetin. Monika Kryemadhi është një nga politkanet që e ka shprehur hapur se nuk do ta mbajë maskën, edhe pse është gjobitur nga policia.
/GazetaReforma.com/
